શુક્રવાર, 3 જુલાઈ, 2020

રામાની ગુલ્લી-અણુવાર્તા મણકો 13


અણુવાર્તા micro fiction ની શ્રેણીમાં 13મો મણકો

રામાની ગુલ્લી

જ્યારે હું સોનોગ્રાફી મશીનોનો વ્યવસાય કરતો હતો ત્યારની વાત છે. એક ડૉક્ટર યુગલને મશીન ખરીદવું હતું અને શાંતિથી વાતચીત થાય માટે મને રવિવારે ઘેર બોલાવ્યો હતો. સવારના નવેક વાગ્યે હું તેઓને ઘેર પહોંચ્યો. ડૉક્ટર બેઠક રૂમમાં વેક્યૂમ ક્લીનર ફેરવતા હતા. મને ઈશારાથી સોફા પર બેસવા જણાવ્યું અને હાથની પાંચ આંગળીઓ અને અંગૂઠો બે વાર ભેગા કરી દસેક મિનિટ થશે તેમ કહ્યું. મેં બેગમાંથી કેટલોગ અને ઑર્ડર બુક કાઢી ટેબલ પર મુક્યાં અને રાહ જોતો બેઠો. ડૉક્ટર સફાઈ પૂરી કરી વેક્યૂમ ક્લીનર મુકવા અંદર ગયા. તેવામાં મેડમ નેપકીનથી હાથ લુછતાં લુછતાં બહાર આવ્યાં. 

“ગુડ મૉર્નીંગ, મેમ!” મેં ઊભા થઇ વીશ કર્યું.
“અરે! નાણાવટીભાઇ તમે આવી ગયા છો? વિ..પુલ! મી.નાણાવટી આવ્યા છે.” તેણે ડૉક્ટરને બોલાવ્યા.
“હા. મને ખબર છે.” ડૉ. વિપુલ બહાર આવ્યા.”ક્યારના આવ્યા છે. તું અંદર હતી.”
“શું તમે પણ...?” મેડમે થોડો ક્ષોભ, થોડો રોષ અને થોડી શરમના મિશ્રીત ભાવે ડૉ.વિપુલને ટપાર્યા. ”નાણાવટીભાઇને લાગશે કે કેવી બાઈ છે! સર્જન પતિની પાસે ઘરકામ કરાવે છે.!”
“નોટ ટુ વરી! તું ગાયનેકોલોજીસ્ટ થઈને વાસણ ઘસી શકે તો હું વેક્યૂમ ક્લીનર ન ફેરવી શકું? દર્દીઓના પેટમાંથી તો આનાથી વધારે ગંદકી સાફ કરૂં છું.” પછી મારી સામે જોઇ બોલ્યા, “આજે અમારા રામાએ ગુલ્લી મારી છે.
#####

શુક્રવાર, 26 જૂન, 2020

ભજમનનાં ભોળકણાં -38 છપ્પો



છપ્પો 

ઘૂસણખોરી બેરોકટોક, વિપક્ષો કેરો વિદ્રોહી ઝોક
ઘૂસખોરીથી વાધે ઘૂસપેઠ, મતપેટી કાજે ન કોઈ એઠ
સત્તા સાટે દેશ વેચે, ભજમન તેથી અળગો રહેજે.

દેશી કોણ? વિદેશી કોણ? અને વળી ઘૂસણખોર કોણ?
નાગરિક ધારો લાગે ખારો, મત કાજે વિધર્મીને ચારો  
અંત:રિપુને કોણ નાથેભજમન જે દેશને રાખે સાથે.

શુક્રવાર, 19 જૂન, 2020

અમલદારી -અણુવાર્તા(miceofiction)-12



અણુવાર્તા micro fiction ની શ્રેણીમાં  12મો મણકો

અમલદારી

એક રવિવારે સવારે હું મારા મિત્રને ઘેર ગયો હતો. મિત્ર સરકારી અમલદાર હતા. અમે ડ્રોઇંગ રૂમમાં બેઠા હતા અને ફ્લેટનો દરવાજો ખુલ્લો જ હતો. અમારી વાતચીત ચાલતી હતી ત્યાં દરવાજે કચરો લેવા માટે બાઇ આવીને ઊભી રહી. મિત્રે તેના શ્રીમતિજીને બે-ત્રણ હાક મારી પણ ભાભીનો કોઇ પ્રતિભાવ કે જવાબ ન આવ્યો. થાકીને અને થોડા અકળાઇને મિત્રએ કચરાવાળાં બહેનને પછી કચરો લઇ જવા કહ્યું.
થોડા સમય પછી ભાભી બેઠક રૂમમાં આવ્યાં અને મિત્રએ તેનો ઉધડો લેતા સ્વરે
કહ્યું, “તું ક્યાં હતી? કચરાવાળી બાઈ આવી હતી. મેં તને બે-ત્રણ બૂમ મારી પણ
તેં સાંભળ્યું નહીં!”
“અરે! હું બેડરૂમમાં વેક્યૂમ મશીનથી સફાઈ કરતી હતી. મશીનના અવાજમાં તમારી હાકલ નહિ સંભળાઇ હોય. હવે.. ...”
“મેં તેને કીધું છે પાછી આવશે.”
“ત્રણ દાદરા ચઢીને કોઇ પાછી નહિ આવે. મારે જ કચરો ભરેલી બાલદી લઈને નીચે જવું પડશે.” ભાભીએ આછા રોષ અને છણકા સાથે જવાબ આપ્યો.
*

શુક્રવાર, 12 જૂન, 2020

લોકડાઉનની સાઈડ ઈફેક્ટ્સ – 3 અણુવાર્તા (microfiction) 11


                                                                                    લોકડાઉન ના 9

લોકડાઉનની સાઈડ ઈફેક્ટ્સ – 3

અસદને આજે ક્યાંય ચેન પડતું ન હતું. બા...ર વર્ષ! બાર બાર વર્ષથી જેનું મોઢું તો ઠીક નામ સુદ્ધાં લેવાની મનાઈ હતી તે, તેની અમ્મા, ખુદની જનેતા! આજ માંદગીના બિછાને પડી છે! કાળમુખા કોરોનાએ અમ્મીજાનને પોતાના સાણસામાં ઝડપી લીધી છે. અબ્બાજાને તો સમાચાર પણ નથી મોકલાવ્યા. પાડોશી સુલેમાનચાચાએ સમાચાર મોકલ્યા. અમ્મીજાન તેના અસદને યાદ કરતી હતી એકવાર રૂબરૂ બોલાવવા માટે આજીજી કરતી હતી તેમ સુલેમાનચાચાને બોલા થા. ક્યા કરું? ફોન તક નહિ કર સકતા. તહેસીન કભી નહી માનેગી. ખુદ તો આએગી નહિ મુજે ભી નહિ જાને દેગી. આખરે તો શેખ સાદિકની બેટી છે. અહિં અબુધાબીમાં પોતે જાણે કેદ થઈ ગયો હોય તેવી લાગણી બાર વર્ષમાં પહેલીવાર થઈ. પણ કરવું શું? કોરોનાને કારણે ફ્લાઈટ્સ પણ બંધ છે! યા ખુદા! રહમ, રહમ! અમ્મીજાન માટે દુવા માંગું છું.

“ક્યા મિયાં! આધે ઘંટેસે  નમાજ અદા કર રહે હો? અબ્બાજાનને ફરમાયા હૈ ફોરન સ્ટોરપે ચલે જાઓ” તહેસીન બેગમકા નસીહતભરા ફરમાન આયા.
***

શુક્રવાર, 5 જૂન, 2020

બ્રેકડાઉન - લોકડાઉન રચના - 8

લોકડાઉન રચના - 8
બ્રેકડાઉન      
                                                              
સ્વર્ગારોહણ બિલ્ડિંગના પચ્ચીસમા માળે લક્ઝુરીયસ ફ્લેટની બાલ્કનીમાં પરીશે ઊભી હતી. લોખંડની જાળીમાંથી હાથ નાખીને કાચની એક વીંડો સ્લાઈડ કરીને મોંમા રહેલો ધુમાડો બારીની બહાર ફૂંક્યો. ઊંચાઈએથી દેખાતી

શુક્રવાર, 29 મે, 2020

લોકડાઉનની સાઈડ ઈફેક્ટ - 2 અણુવાર્તા (microfiction) મણકો 10


                                                                 લોકડાઉન  ના - 7
લોકડાઉનની સાઈડ ઈફેક્ટ - 2

“કહું છું, રાજેશભાઈ પાસેથી રોહનના ટ્યુશનના પૈસાની ઊઘરાણી તો કરો.”       પ્રકાશભાઈ માસ્તરનાં પત્ની વિભાબહેને પતિને ટપાર્યા.                         

“હા, પણ લોકડાઉનને લીધે હમણાં બે મહિનાથી રોહન ક્યાં ટ્યુશને આવે છે? એમ પૈસા શેના આપે?
“અરે! પણ ત્રણ મહિના થયા જાન્યુઆરીના પૈસા પણ નથી આપ્યા. બીજા ટ્યુશન માસ્તરો તો આખા વર્ષના સામટા લઈ લે છે એટલે તેઓને આવી ઝંઝટમાં નથી પડવું પડતું. આપણે તો ગાંધીજીના અવતાર એટલે બિચારાં મા-બાપને રાહત આપવા મહિને મહિને લઈએ. એમાં દર વખતે વેકેશનના પૈસા કોઈ આપતું નથી.” 
હા, તે વેકેશનના શેના આપે? હું વેકેશનમાં ભણાવું છું?”
“કેમ ન આપે? નિશાળવાળા બાર મહિનાની ફી લે છે કે નહિ? અરે સ્કૂલ-રિક્ષાવાળા પણ આખા વર્ષના પૈસા લે છે. તો આપણને કેમ ન આપે? આપણે ખર્ચો કેમ કાઢશું એનો કાંઈ વિચાર કર્યો છે?”
આ લોકડાઉન ચાલે છે એમાં હું બધે પૈસા લેવા ફરું? ખબર છે ને પોલીસવાળા ડંડા મારે છે!”
“મેં બધાનું નામ લીધું? રાજેશભાઈ આપણી સોસાયટીમાં બાજુના બિલ્ડીંગમાં તો રહે છે તેના ઘેર જવા માટે તમારે સોસાયટીની બહાર પગ પણ મૂકવો પડે તેમ નથી. અરે, ફોન કરીને બહાર બોલાવી લેવાના. નહિ તો આવતે અઠવાડીયે દૂધ વગરની ચા પીવા અને શાક વિના દાળ-રૉટલી ખાવાની તૈયારી રાખજો.” 
પ્રકાશ માસ્તર ન છૂટકે બુશકોટ ચડાવી રાજેશભાઈના ઘેર જવા નીકળ્યા. ત્યાં નીચે વોચમેને કહ્યું, “શા, બહાર જાને મેં ખતરા હૈ.“
“અરે, હું તો બી બિલ્ડીંગમાં રાજેશભાઈને ત્યાં જાવ છું, બહાર નથી જાતો.”
“કૌન રાજેશભાઈ? વો 702 વાલે ?
“હા”
“અરે વો તો દો દિન પહેલે ગાડી લેકે પૂરા ફેમિલી કહીં ચલે ગયે હૈં!”
***

શુક્રવાર, 22 મે, 2020

ન્યાય - અણુવાર્તા મણકો 9 microfiction

અણુવાર્તા મણકો 9
                                                                લોકડાઉન રચના - 6
ન્યાય
રામનગરની ઝૂંપડપટ્ટી પર બિલ્ડર મનુભાઈ સંઘવીએ કોર્ટ ઓર્ડરથી બુલડોઝર ચલાવી જમીન ખાલી કરાવી – એક સમાચાર
બે વર્ષ પછી.
પ્રદેશમાં થયેલા ભયંકર ભૂકમ્પ દરમ્યાન મશહૂર બિલ્ડર મનુભાઈ સંઘવીનું પોતાના બંગલાના કાટમાળમાં દબાઈ જવાથી મૃત્યુ, ‌- એક સમાચાર.
***                                           

ગુરુવાર, 14 મે, 2020

પ્રિય સંગિનીને પ્રેમપત્ર

(સુખી લગ્નજીવનનાં 45 વર્ષનો સાથ નિભાવનાર મારી પ્રિય જીવનસંગિની નલીનીને આ વાર્તા સમર્પિત કરું છું)
પ્રિય સંગિનીને પ્રેમપત્ર

શુક્રવાર, 8 મે, 2020

લોકડાઉન ની સાઈડ ઈફેક્ટ્સ - 1 અણુવાર્તા મણકો 8

અણુવાર્તા મણકો 8 microfiction
                                                                      લોકડાઉન રચના-5
લોકડાઉન ની સાઈડ ઈફેક્ટ્સ - 1
“અરેરે! મારાં કરમ ફુટ્યાંતા કે મેં તમારી સાથે લગ્ન કર્યાં! આખો દિ ઘરમાં ગુડાણા છો પણ એક સળી ભાંગીને બે નથી કરતા. જોતા નથી ફેસબુકમાં અને વોટ્સેપમાં બધા કેવા પુરુષોના ઘરકામ કરતા  ફોટાઓ આવે છે.”
“શું ધૂળ કરમ ફુટ્યાંતાં? તને મારા જેવો મરદ કોઈ બીજો ન મળત. લ્યો બોલી ક..ર..ર..મ ફુટ્યાંતાં! કોલેજમાં તો મારી આગળ-પાછળ આંટા મારતી હતી. કોલેજમાંથી જ કોઈની સાથે ભાગી જવું હતું ને , મારી સાથે કેમ ભાગી?”
“હા..હા. ભાગી જ ગઈ હોત, પણ તું એક જ ગાડી વાળો હતો, બીજા બધા સાયકલ વાળા હતા, સાયકલ ઉપર કેટલે ભગાય?”
***

શુક્રવાર, 24 એપ્રિલ, 2020

ભજમનનાં ભોળકણાં – 37 છપ્પો; લોકડાઉન રચના - 4


લોકડાઉન છપ્પો;
                                                              લોકડાઉન રચના - 4

એક અબુધને એવી ટેવ,  પાયા વગરની શીખ કે
મહામારીની ચિંતા ન કોઈ , અર્થતંત્રની ભરડે બદગોઈ
પાકો ઘડો ને ખાલી ચણો, ભજમન એ તો ખખડે ઘણો.


*બદગોઈ=નિંદા, કુથલી

શુક્રવાર, 17 એપ્રિલ, 2020

હથકડી- 2 , લોકડાઉન રચના - 3

લોકડાઉન રચના - 3
(ગત શુક્રવારે હથકડી-1 માં આપે વાંચ્યું કે કેનેડા રહેવાસી સોહન જીવનસાથીની પસંદગી માટે ભારત આવે છે. પરંતુ પોતાની બાળસખીની યાદ આવતાં તેને શોધવા માગે છે. પણ હરિનકાકાએ કાઈંક બીજો જ કારસો રચ્યો છે. તેમણે મનોવિજ્ઞાનિક ડો. હેતલની સાથે મુલાકાત ગોઠવી રાખી છે. હવે આગળ વાંચો.....)
હથકડી - 2


શુક્રવાર, 10 એપ્રિલ, 2020

હથકડી - 1 -લોકડાઉન રચના - 3

લોકડાઉન રચના - 3  
(શું બાળપણની ગાઢ દોસ્તી યુવાનીમાં પ્રેમમાં પલટાય ખરી? બાલ્યાવસ્થાની નિર્દોષ મજાક યુવાન વય સુધી યાદ રાખીને કોઈ જીવી શકે? લોકડાઉન દરમ્યાન સર્જન પામેલી આ રચના લાંબી હોવાથી બે ભાગમાં પ્રસ્તુત કરી છે. ભાગ બીજો આવતા શુક્રવારે પ્રકાશિત થશે. –ભજમન)  
હથકડી - 1

શુક્રવાર, 3 એપ્રિલ, 2020

માનવતા કે પ્રાયશ્ચિત-લોકડાઉન રચના - 2

લોકડાઉન રચના - 2

(આ રચાનામાં થોડા દિવસો પહેલાં ઉત્તર પ્રદેશમાં લોકડાઉન સંદર્ભમાં બનેલ એક સત્ય ઘટનાનો આધાર લીધો છે. પરંતુ તેમાં મારી કલ્પનાના રંગો પૂર્યા છે. પાત્રોનાં નામ, સ્થળ વિગેરે બદલી નાખેલ છે. આ વાર્તાને કોઈ વ્યક્તિ કે વ્યક્તિઓ સાથે સમ્બંધ નથી.-ભજમન)


માનવતા કે પ્રાયશ્ચિત?                                                   


શુક્રવાર, 27 માર્ચ, 2020

ભજમનનાં ભોળકણાં -36 તમારી next કવિતા

લોકડાઉન રચના - 1

(શ્રી ભાગ્યેશભાઈ ઝાએ તા. 22/3/20 ના રોજ વૉટ્સેપના  નાગર કલા-સાહિત્ય ગ્રુપમાં “મારી next કવિતા” શિર્ષક સાથે એક રચના મૂકી હતી. તેમાં^ તેઓએ કોવિદ-19ને અનુલક્ષીને એક કાવ્ય રચવાની મહેચ્છા વ્યક્ત કરી હતી. તેનાથી પ્રેરાઈને નિમ્ન અનુકાવ્ય રચાયું છે.) 
તમારી next કવિતા
                               (courtsey Google Image)
ભલે, કરીશું પ્રતિક્ષા તમારી next કવિતાની

શુક્રવાર, 20 માર્ચ, 2020

पता नहीं - हिंदी रचना-४



 हिंदी रचना-४ 

पता नहीं

कब तक सनमकी राह देखूं पता नहीं
कब तक सनमकी चारखूँ पता नहीं

શુક્રવાર, 24 જાન્યુઆરી, 2020

ऎसा भी क्या हिंदी रचना-३


ऎसा भी क्या                                                                        हिंदी रचना-३



ऎसा भी क्या, की सिर्फ प्यारसे पुकारा उसका नाम 
अभी श्क तो किया नहीं, और हो गए बदनाम | 


ऎसा भी  क्या, कि पूरी जिंदगी कर दी उसके नाम  
फिर भी उन्हें  कदर नहीं, और हम हो गए बदनाम |