એક આળવીતરું ! - 2

શ્રી સુરેશભાઇ જાની ના બ્લોગ ‘ગદ્યસુર’ માં ‘સ્વાસ્થ્ય અને જીંદગી‘ (તા.16/03/2010)  શિર્ષક્વાળી એક પોસ્ટ મુકી છે. પોસ્ટ નો વિષય ખબર પડી બાકી કાંઈ સમજ ના પડી. ( હવે એમાં સુરેશભાઇનો શું વાંક ?)    તેમાં એક પ્રતિભાવ કંઇક આવો છે.
( copy & paste  ! આ માટે પરવાનગી લેવામાં આવી નથી. )

"jagadishchristian // March 17, 2010 at 11:43 am
Reply
From Gujaratilexicon

પહેલું સુખ તે જાતે નર્યા – સૌથી મોટું સુખ તંદુરસ્તી છે.

પહેલું સુખ તે જાતે નર્યા,
બીજું સુખ તે ઘરે દીકરા,
ત્રીજું સુખ ગુણવંતી નાર,
ચોથું સુખ કોઠીએ જાર (નર્યા સાજા, કોઠીએ જાર ઘરમાં ખાસ્સું અન્ન)

ચાર સુખ.
જો તન અને મન તંદુરસ્ત હશે ધન આપોઆપ મળી જશે."

આ પ્રતિભાવ વાંચતાં મનમાં એક બે આળવીતરાં ઉપસી પડ્યાં. એક આળવીતરું તો મેં ત્યાં જ પ્રતિભાવમાં ઠપકારી દીધું!  ( પ્રતિભાવેષુ કિમ્ દરિદ્રતા? )  ચાલો તમારી સાથે માણું ! (શેર કરું?)
( કોઇએ બંધબેસતી પાઘડી/ટોપી/સાફો/હેટ [ ફીટ થાય તો પણ] પહેરવાં નહિ.)

પહેલું સુખ તે મનથી વર્યા
બીજું સુખ તે દુનિયા ફર્યા
ત્રીજું સુખ ધનવંતી નાર
ચોથું સુખ તો ખાનગી યાર!

                          ***
સત્તરિયું

ટીપ્પણીઓ છે
ભરપૂર, ઓટલે
પોસ્ટ? ‘હાક્ છીં!’


નોંધ: ઉપરની રચનાઓ આપને પસંદ ન આવે તો પણ આપનો પ્રતિભાવ આપશો તો મને ગમશે.
(પ્રતિભાવેષુ કિમ્ દરિદ્રતા ?)
સત્તરિયું= સત્તર અક્ષરનું ગતકડું (હાઈકુ સાથે કાંઇ લેવાદેવા નહિ)