ફરી
યાદ કર.
સ્નેહની મીઠી પળોને યાદ કર,
ફરિયાદ ન કર, ફરી યાદ કર.
કીધાં હશે કો’ક દિ, કડવાં વેણ
પછી મલક્યાં પણ હશે નમણાં નેણ
ખુશનુમા પ્રભાતની કરી જો કદર
ફરિયાદ ન કર, ફરી યાદ કર.
કોણ કહે છે એ નથી વફાદાર?
સનમ નો પ્રેમ તો છે પારાવાર
કલ્પી શકે છે જીંદગી એના વગર?
ફરિયાદ ન કર, ફરી યાદ કર.
સ્નેહની તો કાંઈ સરહદ હોય?
અસીમ ને અમાપ એ જ પ્રેમ હોય
સ્નેહ એટલે સંપૂર્ણ સમર્પિત જીવતર
ફરિયાદ ન કર, ફરી યાદ કર.
-ભજમન
ટિપ્પણીઓ નથી:
ટિપ્પણી પોસ્ટ કરો