એકવાર તું મારી પાસે તો બેસ.- ભજમનનાં ભોળકણાં-20

   40 મી  લગ્નતિથિએ નલીનીને સપ્રેમ......

(તા.23/05/1975 થી 23/05/2015) 

એકવાર તું મારી પાસે તો બેસ !

સદ્યસ્નાતા, સંવારતી વિખરાયેલા ભીના કેશ

ગુલાબી હોઠ ‘ને કાળાં નયન, વિના મેશ

ગૌરવર્ણ છતાં સાદગી હમેશ

એકવાર તું મારી પાસે તો બેસ !  

અધૂરપ હતી જીવનમાં, થયો તારો પ્રવેશ

મધુરપ છવાઈ ગઈ જાણે સૂરમય રાગ દેશ 

તારા વિના સૂનો હતો મારા દિલનો નેસ

એકવાર તું મારી પાસે તો બેસ !  

તું જ મારી કવિતા ‘ને તું જ મારી ગઝલ

તારા વિના અઘરી હતી આ લાંબી મઝલ

સંભાળતી તુરંત, વાગતી જો મને ઠેસ

એકવાર તું મારી પાસે તો બેસ !  

અંધારા ને અજવાળામાં તારો સદા સાથ

ચાર દાયકાનો પ્રિયે ! લાગણીસભર સંગાથ

જન્મોજનમનો સથવારો માગું, નો મોર નો લેસ

એકવાર તું મારી પાસે તો બેસ !

                                                            -ભજમન નાણાવટી.  

( નેસ = માલધારીનું ઝુપડું )

Similar post: તમે